Nesër në ambientet e Bibliotekës Kombëtare të Kosovës “Pjetër Bogdani” do të hapet ekspozita për aktorin e madh shqiptar, Aleksandër Moisiu.
Ai ishte ikonë e teatrit dhe artit gjatë gjysmës së parë të shekullit XX. Ka luajtur në teatrot e Vjenës, Austri, ku dhe ka jetuar. Aleksandër Moisiu është vlerësuar lart nga personalitetet e mëdha evropiane të kulturës dhe artit.
Ekspozita do të hapet nesër, ora 15:00, në hollin e Bibliotekës Kombëtare të Kosovës dhe do të mbajë titullin “Aleksandër Moisiu: njeriu dhe artisti”
Ekspozita prezanton fotografi, artefakte dhe dokumente për dhe të Aleksandër Moisiut, të mbledhura në arkivat austriake nga studiuesi Pjetër Logoreci.