Nesër në Komunën e Podujevës do të bëhet zbulimi i shtatores së veprimtarit të çështjes kombëtare, Adem Demaçit.

Siç ka njoftuar Zyra e Kryeministrit, në këtë ceremoni do të marrë pjesë edhe kryeministri Albin Kurti.

“Kryeministri i Republikës së Kosovës, Albin Kurti do të marrë pjesë në zbulimin e shtatores së veprimtarit Adem Demaçi në Sheshin e Qytetit në Podujevë, nesër në orën 13:00, në prag të 111-vjetorit të shpalljes së pavarësisë së Shqipërisë, Ditës së Flamurit. Ftohen të gjithë qytetarët që të na bashkëngjiten në këtë ngjarje”, thuhet në njoftim.