Ish-kapiteni i Manchester United, Gary Neville, ka komentuar sjelljen e Cristiano Ronaldos, duke thënë se ai luan “lojëra të ndryshme në dhomën e zhveshjes” dhe se si ylli më i madh i klubit, ai nuk duhet të sillet kështu.

Neville është i mendimit se Ronaldo së fundmi ka bërë disa lëvizje që nuk i duhen, duke iu referuar kërkesave të shumta për t’u larguar nga klubi që të luajë në Ligën e Kampionëve.

Neville thotë se sjellja e Ronaldos e neverit atë.

“Si ish-kapiten i Manchester United, jam i neveritur të shoh këtë lloj sjelljeje. Ylli i Manchester United luan lojëra të ndryshme në dhomën e zhveshjes dhe si i tillë, nuk duhet të silleni kështu”.

“Kjo ka ndodhur disa herë në kohën e fundit. Ne kishim Paul Pogba i cili vazhdimisht luante kështu me klubin”, ka thënë Neville për The Overlap.

Ronaldo humbi përgatitjet me Man United për sezonin e ri për shkak të “detyrimeve familjare”, dhe trajneri Ten Hag tha se do t’i duhet të bëjë shumë më tepër stërvitje përpara se të jetë pretendent për ekipin e parë. /Telegrafi/