Kosova, vendi i pestë në botë për nga rezervat e linjitit, që nga shpallja e pavarësisë ka importuar rrymë me vlerë mbi gjysmë miliardë euro, theksojnë raportet vjetore të Zyrës së Rregullatorit të Energjisë të dhjetë viteve të fundit.

‘Importi plotëson kërkesën për energji elektrike nga viti në vit, çmimi i të cilit vazhdon të jetë i paparashikuar’, thuhet në njoftimin e MZHE-së.

Sipas MZHEsë, në vitin 2023, pas mbylljes së termocentralit Kosova A dhe investimeve ne termocentralin Kosova e Re dhe ne Burimet e Riperterishme, do te eliminohet varesia nga importet.

Ndryshe, vendet nga rajoni, ku Kosova kryesisht importon energjinë elektrike, kanë paralajmëruar rritje të çmimeve të energjisë për rreth 40%. Kompani të ndryshme të furnizimit në rajon theksojnë rritjen e çmimit të energjisë në berzë si një prej arsyeve kryesore të rritjes së çmimit të energjisë elektrike për konsumatorët fundor.