Ardita Sinani nga Partia për Veprim Demokratik kishte marrë detyrën si kryetare e komunës së Preshevës me 10 mars të këtij viti, duke u bërë kështu gruaja e parë që ishte në krye të një komune nga Lugina e Preshevës.

Por pas afro nëntë muajve ajo u shkarkua nga ky post. Sinani thotë se vendimi për shkarkimin nga ky post u bë me urdhër të presidentit të Serbisë, Aleksandër Vuçiq.

Ajo këtë vendi e quan si të dhunshëm. Madje, shkak për këtë vendim shprehet se është lufta që ajo ka bërë për ndalimin e korrupsionit në këtë komunë. Ajo madje i akuzon disa parti shqiptare se janë të lidhura ngushtë, financiarisht, me persona të afërm të Vuciqit.

“Ata nuk kanë interes që të punojnë për të mirën e shqiptarëve të asaj ane”, thotë Sinani për Tribuna Channel.

Pas vendimit për shkarkimin e saj, shteti serb i ka shpallur zgjedhjet e jashtëzakonshme për Preshevë, për datën 24 dhjetor. Në këto zgjedhje Ardita Sinani prapë po garon për kreun komunës, nga radhët e partisë për Veprim Politik.