Një aksident trafiku me fatalitet raportohet se ka ndodhur në Krushevë të Vogël të Klinës.

Zëdhënësi i policisë për rajonin e Pejës, Fadil Gashi i ka thënë Insajderit se aksidenti ka ndodhur në mes një veture dhe një kamioni.

Si pasojë i vdekur ka mbetur vozitësi i makinës.

“Rreth orës 12:52, ka ndodhur një aksident në magjistralen Klinë- Gurakoc, në fshatin Krushevë e Vogël. Në aksident kanë qenë të përfshira dy automjete, një veturë dhe një kamion. Për vozitësin e automjetit, mjeku kujdestar e ka konfirmuar vdekjen, ndërsa vozitësi i kamionit ka pësuar lëndime”, ka theksuar Gashi. /Insajderi.org