Sot gjatë orëve të mëngjesit Gazeta Insajderi ka raportuar për një aksident në Prishtinë, ku shihet se janë përfshirë dy vetura, njëra e tipit Golf 6, ngjyrë e bardhë dhe njëra e tipit, Merceds benz ngjyrë e zezë.

Përplasja e tyre kishte ndodhur konkretisht tek rrethi i njohur tek zona e kazermës së Forcës së Sigurisë së Kosovës.

Rastin e ka konfirmuar për Insajderin edhe zëdhënësja e Policisë, Flora Ahmeti, e cila njoftuar se si pasojë e këtij aksidenti një person ka pësuar lëndime trupore.

“Rreth orës 09:20  kemi pranuar informatën se në rrugën Prishtinë – Fushë Kosovë,  ka ndodhur një aksident trafiku ku kanë qenë të përfshira dy automjete. Si pasojë e aksidentit lëndime trupore ka pësuar një person”.

Derisa ajo shtoi se me rastin po merret njësiti i trafikut.