Aktori i Hollivudit, Brad Pitt, nuk do të akuzohet për asnjë krim pas hetimeve të FBI mbi akuzat për dhunë ndaj një prej fëmijëve të tij.

Fituesi i çmimit Oscar ishte akuzuar nga djali i tij i adoptuar Maddox, 15 vjeç se e kishte dhunuar gjatë një udhëtimi me avion nga Franca në Los Angeles.

Angelina Jolie kërkoi divorcin menjëherë pas këtij denoncimi dhe tashmë po lufton për të marrë kujdestarinë e 6 fëmijëve të tyre.

Punonjësit socialë, të cilët hetuan të njëjtën kërkesë, e nxorën të pastër nga akuzat Pitt dy javë më parë.

“Në përgjigje të akuzave të bëra ndaj Brad Pitt nga fëmija e tij, FBI ka shqyrtuar të gjitha rrethanat dhe nuk do të ndjekë një hetim të mëtejshëm ndaj tij”, bën me dije FBI.