Zyra e të drejtave të OKB-së ka thënë se është “shumë e shqetësuar” nga numri i gazetarëve të vrarë në luftën në Gaza, një ditë pasi dy reporterë të Al Jazeera u vranë në një sulm të supozuar izraelit në makinën e tyre.

Hamza Dahdouh dhe Mustafa Thuria u vranë ndërsa ishin në detyrë për Al Jazeera, tha në një deklaratë rrjeti mediatik me bazë në Katar. Një profesionist i tretë i pavarur, Hazem Rajab, u plagos.

Dahdouh ishte djali i madh i shefit të zyrës së Al Jazeera në Gaza, Wael Dahdouh, gruaja e të cilit, dy fëmijë të tjerë dhe një nip u vranë nga një sulm izraelit në tetor.

“Shumë e shqetësuar nga numri i lartë i vdekjeve të punonjësve të medias në Gaza”, postoi zyra e të drejtave të OKB-së.

“Vrasjet e të gjithë gazetarëve, duke përfshirë Hamza Wael Dahdouh dhe Mustafa Abu Thuria në sulmin e raportuar të IDF-së në makinë, duhet të hetohen tërësisht, në mënyrë të pavarur për të siguruar përputhje të rreptë me ligjin ndërkombëtar dhe shkeljet të ndiqen penalisht”, shtoi ajo.

Të paktën 79 gazetarë dhe punonjës të medias janë vrarë që nga fillimi i luftës, sipas shifrave të Komitetit për Mbrojtjen e Gazetarëve, raporton The Guardian