Gjykata Themelore sot në Prishtinë e ka dënuar ish-ministrin e Infrastrukturës, Pal Lekajn me 3 vite e 8 muaj burgim për rastin e pagesës prej 53 milionë ndaj “Bechtel&Enkas” për autostradën “Arbën Xhafer”
Këtë vendim e ka komentuar edhe gazetari Parim Olluri. Ai tha se Gjykata e Apelit mund ta kthejë rastin në rivlerësim apo ta zbusë dënimin ndaj Pal Lekajt.
“E ka anën pozitive edhe ky rast, ne nuk shohim pamje të tilla kur dënohet një ish-ministër i fuqishëm. Tash komentet e njerzvë janë që është dënim i ulët dhe jo sa është pritur. Në rastet kur themelorja i dënon 3 vjet e jo më shumë se 5, zakonisht ekziston rreziku që Apeli e rikthen në rivlerësim ose e zbut dënimin, që i bjen që Pali mundet me shpëtu prej këtij rasti, ndoshta me më pak vend, dukjen e ka, ka një dënim më kusht në shkallën e dytë”, ka thënë ai në Pressing.