Presidentja e Kosovës, Vjosa Osmani gjatë konferencës me presidenten e Komisionit Evropian, Ursula Von Der Leyen, është pyetur rreth afatit për konvertimin e targave serbe.

Osmani ka thënë se qe një kohë të gjatë qytetarët serbë po i konvertojnë targat dhe po i largojnë ato të kohës së Millosheviqit por si rezultat i kësaj, atyre po iu djegën shtëpitë dhe makinat, përcjell Insajderi.

“Kosova tashmë është rikonfirmuar si shteti me reformat më të mëdha në sundimin e ligjit, kjo dëshmon që veprimet e tona kanë qenë të drejta, janë për barazi të të gjithëve, asesi kundër serbëve. Ajo pakicë që akoma nuk i ka konvertuar është për shkak të kërcënimeve të vazhdueshme që po ua bëjnë strukturat ilegale kriminale, lufta jonë është kundër bandave. Ne presim përkrahjen e vazhdueshme të aleatëve tanë”, ka deklaruar Osmani. /Insajderi