Kryetari i Komunës së Leposaviqit, Lulzim Hetemi, pas shtatë muajsh ka daluar nga objekti i komunës. Ai është parë në sheshin e Mitrovicës gjatë së enjtes.
Kryetari Hetemi ka vizituar familjen e tij në Mitrovicë. Përmes telefonit ai ka thënë për RTK-në se është nisur te kthehet në zyrën e tij në Komunë të Leposaviqit. Ai është parë në qytetin e Mitrovicës i shoqëruar nga kryetari i Mitrovicës së Veriut, Erden Atiq, ndërsa nuk ka bërë të ditur arsyen pse ka dalë nga Komuna pas 7 muajve.
Ai ka qëndruar në objektin e komunës që nga 29 maji, kur nën përcjelljen e Policisë së Kosovës ishte vendosur aty pasi e kishte fituar mandatin në zgjedhjet e jashtëzakonshme në katër komunat veriore, e të cilat u bojkotuan në masë të madhe nga qytetarët e komunitetit serb.