Kreu i Aleancës Kosova e Re (AKR) dhe biznesmeni kosovar, Behgjet Pacolli, ka bërë të ditur se deri tash janë mbledhur mbi 11 mijë euro për familjen Ademaj nga Peja, e cila humbi dy anëtarë të familjes nga vërshimet e së shtunës që përfshin këtë qytet.

“Mbi 11 000 euro të mbledhura deri më tani për familjen Ademaj në Pejë ❤️”, shkruan Pacolli në Facebook.

Pacolli ka hapur llogari në “GoFundMe”, duke i ftuar politikanët dhe biznesmenët të ndihmojnë.

Mirsada, 26-vjeçare dhe djali i saj, Dioni, 5 vjeçar, mbetën të vdekur nga vërshimet në Pejë.