Kryetari i Aleancës Kosova e Re, Behgjet Pacolli, ka thënë se shpreson se mërgimtarët të jenë të mirëseardhur jo vetëm për kuletat, por edhe për ndjenjën dashurisë.

Pacolli ka shkruar edhe për ndjenjën e të jetuarit jashtë Kosovës.

”Ndjenjen e të jetuarit në diasporë e dinë vetëm ata që e kanë bërë apo vazhdojnë ta bëjnë. Nuk është e lehtë dhe shumica e bëjnë nga nevoja. Por, nuk ka gjë më të bukur sesa ta shohësh Kosovën këto ditë të mbushur me bashkatdhetarë. Do të doja shumë që bashkatdhetarët të jenë të dëshiruar e të mirëseardhur, jo vetëm për kuletat e tyre por edhe  për ndjenjën e dashurisë. Ju uroj të gjithëve një mirëseardhje të ngrohtë dhe shpresoj që të keni një qëndrim të mrekullueshëm. Kosova është shtëpia jonë e përbashkët dhe dashuria jonë e madhe“, ka shkruar ai.