Një tornado e fuqishme goditi një qytet të vogël të Iowa-s të martën, duke ia marrë jetën shumë njerëzve dhe duke lënë dhjetëra të lënduar, thanë autoritetet.

Imazhet nga qyteti i Greenfield tregojnë pasojat me shtëpi të kthyera në copa, mbeturina të shpërndara kudo dhe disa turbina të mëdha me erë të rrëzuara, .

“Ky tornado ka shkatërruar një pjesë të mirë të këtij qyteti”, tha Alex Dinkla, zëdhënës i policisë së Iowa-s gjatë një konference shtypi në Greenfield.

“Ne mund të konfirmojmë se ka pasur shumë viktima nga kjo tornado”, shtoi Dinkla.

Ai nuk zbuloi numrin e të vdekurve, por theksoi se kjo shifër mund të sigurohet pasi të qetësohet situata në terren.

Tornado deleting windmills close to Williamson, Iowa @ReedTimmerUSA #wxtwitter pic.twitter.com/olQo3wUmsV

— Edgar ONeal (@EdgarONealWX) May 21, 2024

Dhjetëra persona në Greenfield, një qytet i vogël me rreth 2 mijë banorë, kanë mbetur të lënduar nga tornadoja, ndërsa si pasojë e shkatërrimit të pjesshëm të spitalit, të lënduar janë dërguar në spitalet e qyteteve tjera të afërta.

Guvernatorja e Iowas, Kim Reynolds ka njoftuar se do të vizitojë Greenfield-in.

“Derisa është ende herët të flitet për pasojat e stuhisë, përgjigjet do t’i merrni në ditët në vijim”, shtoi guvernatorja Reynolds.

Greenfield, #Iowa is completely leveled by the #tornado track! It's very bad here, Please send help, food, water, and supplies… I have search and rescue ongoing right now! #IAwx @NWSDesMoines @NWSOmaha

Contact [email protected] for licensing. pic.twitter.com/k0pXtvkfLx

— Chicago & Midwest Storm Chasers (@ChicagoMWeather) May 21, 2024