Punëtorja në QKMF e Gjakovës, Afërdita Mula Zhubi, është sulmuar sot nga qentë endacak. Përmes një postimi në Facebook ka shkruar se ky është sulmi i dytë që i ka ndodhur.

Mula-Zhubi ka ndarë edhe fotografitë ku shihet se qentë endacakë e kanë kafshuar në këmbë.

“Sot në orët e hershme të mëngjesit në lagjen Parku i Lirisë duke ardhur në punë sulmohem për herë të dytë nga qentë endacakë. Ju lutem organeve kompetente të Komunës së Gjakovës të marrin masa ndaj qenëve endacakë në mënyrë që të lëvizi lirshëm drejt vendit të punës”, ka shkruar ajo.