Maxar Technologies ka publikuar fotografi satelitore të një fshati në rajonin jugor të Khersonit, të marra para dhe pas shkatërrimit të digës dhe përmbytjeve që rezultuan.
Fotoja e sipërme tregon fshatin Korsunka të realizuar me satelit më 15 maj, ndërsa fotografia e poshtme është bërë mbrëmë pas përmbytjes së fshatit.
Presidenti ukrainas Volodymyr Zelensky njoftoi se ka marrë një ofertë serioze dhe të fuqishme nga liderët e vendeve perëndimore për të dërguar avionë luftarakë F-16 në Kiev. Ai shtoi se ishte duke pritur për një marrëveshje përfundimtare me aleatët kryesorë.
“Partnerët tanë e dinë se sa avionë na duhen”, tha Zelenski.
Kievi tani është duke pritur për një marrëveshje përfundimtare me aleatët e tij, duke përfshirë një “marrëveshje të përbashkët me Shtetet e Bashkuara”, tha Zelensky.
Është ende e paqartë se cilët nga aleatët e Kievit janë të gatshëm të dërgojnë avionë perëndimorë në Ukrainë.
Rreth 42 mijë persona janë në rrezik përmbytjeje në të dy anët e lumit Dnieper pas shkatërrimit të djeshëm të digës Kakhovka, njoftuan sot autoritetet ukrainase, duke paralajmëruar se kulmi i valës së ujit do të pasojë sot, shkruan AlsatM, transmeton Insajderi.