Kanë mbetur edhe pesë minuta nga nisja e duelit të famshëm, Haki Abazi kundër Albin Kurtit. ‘Ring’ ky që u paralajmërua për orën 10:00.

Tashmë dihet se kryeministri Kurti ka urdhëruar që Abazi të shkarkohet nga pozita e Kryetarit të Komisionit për Punë të Jashtme dhe Diasporë si dhe për heqjen nga Komisioni Parlamentar për Stabilizim Asocim BE-Kosovë.

Kështu, deputeti Abazi thirri mediat në konferencë, e cila do të mbahet sot në hollin e Kuvendit të Kosovës.

Përveç deklarimit për urdhër shkarkimin ndaj tij, Abazi paralajmëroi se në këtë konferencë do të flas edhe për disa audio/video inçizime, që sipas tij, Kurti po kërkon t’i mbulojë me urdhërin e dhënë për shkarkimin e tij.