Komisioni Qendror i Zgjedhjeve sot ka vendosur për pezullimin e dy partive politike, Lëvizjes për Bashkëveprim dhe Partisë Socialdemokrate, të cilat nuk kanë mbajtur kuvendet e tyre zgjedhore sipas afatit ligjor.
Kryetari i PSD-së, Dardan Molliqaj, ka reaguar pas kësaj, ai tha se kjo parti ka thirrë kuvendin e saj dhe e ka njoftuar KQZ-në.
Sipas tij, procedimi me pezullim është dashakeqësi ndaj PSD’së.
“PSD tashmë e ka thirrë Kuvendin e saj, konform të gjitha procedurave, me datën 28 janar dhe për këtë gjë e kemi njoftuar KQZ-në. Prandaj, procedimin me pezullim nuk mund ta shohim ndryshe pos si dashakeqësi ndaj PSD-së. Një qasje e tillë formaliste e shantazhuese është e dëmshme për organizimin politik dhe s’duhet të pranohet në asnjë mënyrë”, ka shkruar Molliqaj në “Facebook”.