Kryetari i tifo grupit të Kombëtares së Kosovës ‘Dardanët’, Lulzim Berisha derisa ishte duke hyrë në stacionin e Policisë së Kosovës është takuar me të sulmuarin, Artan Govori nga Agim Ademi, dhe është dëgjuar duke i thënë ‘mos gënje’.

Gjatë një interviste të dhënë pas daljes nga stacioni i Policisë së Kosovës zyrtari i FFK’së, Artan Govori është takuar me kryetarin e tifozëve ‘Dardanët’, Lulzim Berishën i cili i thotë të sulmuarit që të mos gënjej.

Ai është dëgjuar duke i thënë se: ” Sbon me rrejt kshtu o Artan, me shpik sene kshtu, mos e rrej opininonin o burr se une qaty kesh, ki pak dinjitet se tkom shok.”

Ndërsa Govori ja kthen: ”Jo spo shpiki sene hiq, un me pas dinjitet a, jo aj dosti yt duhet me pas dinjitet.”

Berisha gjithashtu i thotë se nuk e kam shokë por është kryetar i Federatës, dhe Govori përsëri ja rikthen duke thënë se është kryetar i yti e jo i imi.

Pastaj gjatë intervistës zyrtari i FFK’së ka treguar se ka pësuar lëndime në qafë pasi Agim Ademi e kishte shtrënguar dhe është grithur pak në fytyrë. Ai ndër të tjera ka treguar se ka që ka 15 vite që punon në FFK dhe sot ka ardhur dita që të dal publikisht të flas për kryetarin e Federatës, i cili ka probleme me të gjithë që nuk e mbështesin dhe pastaj i përjashton nga puna.

Policia e Kosovës sot gjatë ditës gjithashtu e kishte konfirmuar se kanë pranuar një informatë rreth orës 14:00 për një rast sulmi në zyrat e FFK’së.

“Rreth orës 14:00, kemi pranuar informatën për një rast sulmi, i cili ka ndodhë në zyrat e FFK-së. Lidhur me këtë rast aktualisht në stacion policor është duke u intervistuar pala ankuese. Për detaje njoftoheni me kohë”. /gazetametro.net/