Sot Kosova shënoi pesëmbëdhjetë vjetorin e shpalljes së Pavarësisë së saj dhe vendi po feston me sheshe të mbushura e me gëzim kolektiv, shkruan Insajderi.
Megjithatë, titujt në media ndërkombëtare prestigjioze japin një tregim tjetër.
Titujt e tyre japin një tablo jo mjaft premtuese të këtyre pesëmbëdhjetë viteve, ku kryesisht i bashkëngjiten çështjet e pazgjidhura me Serbinë dhe minoritetin serb në veri të vendit, por edhe me migrimin e madh jashtë vendit të qytetarëve të Kosovës.
“Pavarësi e parehatuar”, “Pavarësi në Limbo”, “Kosova feston pavarësinë me sytë kah një marrëveshje me Serbinë”, “Kosovarët festojnë pavarësinë duke ëndërruar për të jetuar tjetërkund”, etj, janë vetëm disa nga titujt e sotëm në mediat ndërkombëtar.