Përplasja mes ish-kryetarit të LDK’së, Isa Mustafa dhe bashkëkryetarit të Listës Guxo, Faton Peci po vazhdon. Mustafa e përmendi presidenten Vjosa Osmani në lidhje me marrëveshjen në Bruksel, duke e quajtur si juriste e zonja “e vet-shitur”, ndërsa, Peci i tha ta ‘monitorojë tensionin’.

Mustafa në një përgjigje për lajmi.net tha se Faton Peci është “fëmijë i rrugës” të cilin presidentja Osmani e kryeministri Kurti e kanë bërë ministër.

Pas kësaj deklarate të ish-kryeministrit Mustafa është kundërpërgjigjur ministri Peci në Facebook.

Derisa pranoi se është bërë ministër nga Kurti e Osmani, i pari i Bujqësisë u shpreh krenar se nuk është bërë ministër nga politikani komunist i Kosovës, Rrahman Morina.

“E vertete qe Znj. Vjosa Osmani e Albin Kurti me kane bere minister. Te pakten nuk me ka bere Rrahman Morina”.