Nga janari i këtij viti e deri në fund të muajit prill, Komuna e Gjakovës ka shpenzuar afër 5 mijë euro për dreka zyrtare. Saktësisht, kabineti i kryetarit Ardian Gjini shpenzoi 4 mijë e 890 euro nga buxheti i komunës për katër muaj.

Kjo shuma është bërë e ditur pas kërkesës së Gazetës Insajderi për qasje në dokumente publike.

Nga Komuna e Gjakovës nuk kanë dhënë detaje më shumë për Insajderin se për sa dreka u shpenzuan këto para e as çka ishte porositur me to.

Derisa, për furnizim me karburante për veturat zyrtare të kabinetit të kryetarit Gjini u shpenzuan 2 mijë e 498 euro.

Gazeta Insajderi ka kërkuar qasje edhe në dokumentet për mëditje. Por, nga zyrtarët e kësaj komune nuk është bërë e ditur nëse kryetari Gjini dhe nënkryetari Fetahaj kanë marrë mëditje gjatë këtyre muajve.