Grupi, i cili i përfshin Amerikanët në koalicionin e tregtisë së lirë dhe fermerët për tregti të lirë, grumbullon të dhënat e pagesave të tarifave në nivel kombëtar dhe nga shteti.

Të dhënat janë pjesë e një serie mujore të quajtur “Gjurmuesit e tarifave”, të cilën grupi lëshon në lidhje me Partneritetin Tregtar, një firmë ndërkombëtare e tregtisë dhe konsulencës ekonomike me qendër në Uashington. Të dhënat mujore të importit, thuhet, llogariten duke përdorur të dhënat nga Zyra e Regjistrimit të SHBA-ve dhe të dhënat mujore të eksportit përpilohen duke përdorur numra nga Zyra e Regjistrimit dhe Departamenti Amerikan i Bujqësisë.

Të dhënat e nëntorit janë ato të fundit të qeverisë në dispozicion për shkak të mbylljes së qeverisë së fundit të SHBA.

Zëdhënësi i grupit, ish-kongresisti republikan Charles Boustany, tha se të dhënat tregojnë se amerikanët, e jo konkurrentët e huaj, janë humbësit e mëdhenj në luftën tregtare.

“Bizneset amerikane po goditen nga një dyfishim i rritjeve historike të taksave në formën e tarifave dhe zvogëlimit të eksporteve, pasi fermerët dhe prodhuesit humbin mundësitë në tregjet jashtë shtetit, në të cilat mbështeten”, tha Boustany.

Grupi tha gjithashtu se tarifat hakmarrëse kanë ndikuar rëndë në eksportet amerikane. Në nëntor, eksportet amerikane të produkteve që i nënshtrohen tarifave hakmarrëse ranë në 4.1 miliardë dollarë, ose për 37 për qind, në krahasim me vitin e kaluar, tha ai.

Hun Quach, nënkryetar i tregtisë ndërkombëtare në Shoqatën e Drejtuesve të Industrisë të Tregtisë me Pakicë, tha se ngritja e tarifave për mijëra produkte të konsumit do të shkaktojë përçarje masive për shitësit në një mjedis tashmë të pasigurt.

Tarifat amerikane me vlerë prej 200 miliardë dollarësh nga Kina do të rriten në 25 për qind nga 10 për qind nëse të dyja palët nuk mund të arrijnë një marrëveshje me afatin e 1 marsit. Të mërkurën, Sekretari i Thesarit i SHBA Stiven Munchin u tha gazetarëve në Pekin se bisedimet mes të dy palëve po shkonin mirë.

Zëdhënësja e Shtëpisë së Bardhë, Sarah Sanders, tha për Fox News se Trump po peshon mundësinë për ndryshme se si të trajtojë afatin e 1 marsit për të arritur një marrëveshje tregtare me Kinën, duke shtuar se marrëveshja përfundimtare varet nga Trump dhe presidenti kinez Xi Jinping./Insajderi.com.