Ka përfunduar basitisja e Zyrës së Prokurorit të Specializuar në shtëpinë ish-komandantit të UÇK’së, Sylejman Selimit.

Bastisja ka filluar në orët e hershme të mëngjesit, ku edhe janë parë një numër i madh i Policisë së Kosovës.

Artan Qerkini, avokat i ish komandantit të UÇK-së, ka folur pas bastisjes së shtëpisë së klientit të tij nga Prokuroria Speciale, shkruan Insajderi.

Qerkini ka thënë se Sylejman Selimi nuk është intervistuar në cilësinë e të dyshuarit, por që brenda shtëpisë së tij ka mundur të ketë dëshmi që ndërlidhen me procedimet penale për pengim të drejtësisë.

“Ai nuk e ka statusin e personit të dyshuar. Por sipas urdhërit të gjykatës, mendohet se në shtëpisë e tij mund të ketë pasur prova të cilat ndërlidhen me procedimet penale për pengim të drejtësisë”, ka thënë Qerkini.