×
  • Lajme
  • Lajme

    Personi që u vra sot në Lezhë është nipi i biznesmenit që u ekzekutua në prill në një atentat mafioz

    Insajderi
    03 December 2023 - 00:04

    Sot u vra një person me armë zjarri në Lezhë. Raportohet se viktima është Eno Nikulaj, i afërm i biznesmenit të vrarë në Lezhë këtë pranverë, Ardian Nikulaj.

    Ardian Nikulaj u vra në prill të këtij viti në një atentat mafioz, ku u përfshinë edhe persona të ardhura posaçërisht nga Britania e Madhe. Policia zbardhi ngjarjen dhe doli në përfundimin se ai u ekzekutua për qëllime gjakmarrjeje.

    Policia ka dhënë detaje në lidhje me vrasjen e Eno Nikulajt. Ai u qëllua disa herë me automatik teksa ishte duke lëvizur me makinën e tij. Dyshohet për dy atentatorë, të cilët e ndoqën me automjet.

    Mësohet se autorët janë larguar me një BMW ngjyrë gri e cila rezulton të jetë me targa të vjedhura.

    Makina rezulton me targa AB138HT të vjedhura në Tiranë tre ditë më parë.

    Më tej mësohet se një automjet i paidentifikuar është duke u djegur tek ura e tubit në Rinas pranë aeroportit, makinë kjo që dyshohet se është përdorur nga atentatorët më herët sot.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark