Pesë persona janë arrestuar gjatë aksionit që u zhvillua të martën.

Drejtoria për Hetimin e Krimit të Organizuar dhe Krimeve të Rënda, ka kryer bastisje në pesë lokacione në Prishtinë dhe Mitrovicë.

Ata dyshohet se kanë kryer tri vepra penale “Pjesëmarrja ose organizimi i grupit kriminal të organizuar”, “Falsifikimi i dokumenteve” dhe “Kontrabandimi me migrantë”.

Me këtë rast Prokuroria Themelore e Prishtinës dha detaje lidhur personat e prangosur:

1. K. viti i lindjes 1965 m/kosovar
2. T. viti i lindjes 1969 m/shqiptar/Shqipëri
3. A. viti i lindjes 1970 m/kosovar
4. H. viti i lindjes 1978 m/kosovar
5. R. viti i lindjes 1992 m/kosovar

Gjatë kontrollit të kryer në prona/shtëpi banimi, janë gjetur pajisje për prodhimin e dokumenteve të udhëtimit për në shtete të ndryshme të cilat janë sekuestruar në cilësi të provave materiale:

21 pasaporta të shteteve të ndryshme evropiane,

Pesë leje qëndrimi, letërnjoftime dhe patentë shoferë të shteteve të ndryshme,

Pajisje dhe materiale te ndryshme elektronike që dyshohen për prodhimin e dokumenteve,

katër telefona mobilë,

1 mijë e 860 euro

48 mijë e 700 lekë (459 euro e 39 centë)

10 funta (11 euro e 59 centë)

395 lira turke (13 euro e 41 centë)

Një veturë me targa të Kosovës

Një veturë me targa të Shqipërisë