Policia e Kosovës ka njoftuar se në 24 orët e fundit janë raportuar pesë vdekje të dyshimta.
Në Prishtinë dje një burrë është gjetur pa shenja jete. Rasti ka ndodhur dje rreth orës 07:55.
“Viktima mashkull kosovar në rrethana deri më tani të panjohura është gjetur pa shenja jete në shtëpinë e tij. Njësitet policore dhe ekipi mjekësor kanë dalë në vendin e ngjarjes, ku edhe është konstatuar vdekja e viktimës”, njoftoj policia.
Sipas policisë edhe në Prizren një grua është gjetur pa shenja jete.
“Viktima femër kosovare është gjetur pa shenja jete. Njësitë përkatëse kanë dalë në vendin e ngjarjes si dhe mjekësia ligjore të cilët me vendim të prokurorit trupin e pajetë e kanë dërguar për obduksion”, thuhet në njoftim.
Vdekje e dyshimtë është raportuar edhe në Pejë.
“Është raportuar se viktima mashkull kosovar është gjetur pa shenja jete në shtëpinë e tij. Njësitet përkatëse kanë dalë në vendin e ngjarjes si dhe mjekësia ligjore të cilët me vendim të prokurorit kanë marrë trupin e pajetë për obduksion”, njoftoj policia.
Po ashtu edhe në Vushtrri dhe në Zubin Potok janë raportuar raste “Vdekje e dyshimtë”.
Vushtrri 12.10.2022 – 10:00-21:25. Viktima mashkull kosovar është gjetur nga familjarët pa shenja jete.Vdekjen e tij e ka konstatuar ekipi mjekësor.Me vendim të prokurorit, trupi i pajetë është dërguar në IML për obduksion.
Zubin Potok – NN. Është raportuar se viktima, mashkull kosovar, është gjetur pa shenja jete në shtëpinë e tij. Në vendin e ngjarjes kanë dalë njësitet kompetente policore si dhe mjekësia ligjore, të cilat me vendim të prokurorit e kanë dërguar trupin për obduksion në IML./Insajderi.org/