Policia e Kosovës ka bërë të ditur se për rastin e tentim-vrasjes në Rahovec, ku mbetën të plagosur dy vëllezër, tek i dyshuari për veprën ka gjetur një arsenal armësh.

PK-ja njofton se pas një fjalosje me viktimat, i dyshuari kishte kapur armën për uslm. Më pas, PK-ja ka bastisur shtëpinë e të dyshuarit dhe ka gjetur një sasi të konsiderueshme armësh.

“Njëri i dyshuari ka deklaruar se pas një fjalosje me viktimat e kishte përdorur armën. Është kryer bastisje në shtëpinë e të dyshuarit dhe gjatë kontrollimit janë gjetur dhe janë konfiskuar: Dy pistoleta, njëra dyshohet se është përdorur në rast, dy pushkë gjuetie, një pushkë ajrore dhe një pushkë M-48, 31-copë fishekë te kal.7.62 mm,19 copë fishekë te kal.9 mm dhe 132 copë fishekë te kal.12 mm. Për të gjitha armët e lartcekura, i dyshuari posedonte leje”, thuhet në njoftimin e PK-së.

Të dyshuarit, sipas policië, janë dërguar në mbajtje.

Njëri nga vëllezërit e plagosur është duke u trajtuar në Spitalin e Gjakovës, ndërsa tjetri në QKUK për shkak të plagëve serioze që ka marrë.