Mauricio Pochettino thotë se është e pabesueshme se si disa tifozët të Paris Saint-Germainit vazhduan ta fishkëllejnë Lionel Messin edhe pas paraqitjes së shkëlqyer kundër Lensit të shtunën, e cila i ndihmoi klubit ta fitojë titullin e 10-të në Ligue 1.

Messi e ka përjetuar një sezon frustrues në PSG, i cili është i pari për të, pasi iu bashkua klubin si lojtar i lirë në verë, pas largimit befasues nga Barcelonë në gusht.

34-vjeçari nuk arriti ta përsërisë formën e tij të njohur para portës e as ta frymezojë PSG-në drejt triumfit në Ligën e Kampionëve, pasi u eliminua në përballje me Real Madridin në 1/8 e finales.

Tifozët e veçuan Messin bashkë me Neymarin si fajtorë për dështimin e PSG-në në Evropë.

Messi dhe Neymari u fishkëllyen pas humbjes së PSG-së kundër Real Madridit dhe argjentinasi ishte cak i fishkëllimave edhe në takim me Lens në fundjavë.

“Fishkëllimat kundër Messit? Është e pabesueshme. Këto janë gjëra të vështira për t’u pranuar. Gjendje e vështirë ta imagjinosh e cila nuk mund të kuptohet, sipas mendimit tim. Aq më tepër duke pasur parasysh sa i madh është Messi, për atë që jep dhe vazhdon të japë për futbollin”, tha Pochettino.