Pesë persona kanë marrë lëndime pasi janë sulmuar nga një qen endacak
Rasti ka ndodhur mbrëmë në fshatin Sfeçël të Podujevës.
Në raportin 24-orësh të Policisë thuhet se personat në fjalë e kanë mbytur qenin që i ka sulmuar.
“Pesë meshkuj kosovarë kanë pësuar lëndime trupore pasi janë sulmuar nga një qen endacak. Viktimat kanë pranuar trajtim mjekësor. Sipas të lënduarve, pasi janë sulmuar ata e kanë mbytur qenin. Në vendin e ngjarjes përveç njësive policore ka dalë edhe ekipi i veterinarisë. Me vendim të prokurorit është iniciuar rasti”, thuhet në raport.