Poezia “Njerëzit edhe janë të çmendur” mori çmimin e parë “Agim Ramadani” në “Takimet e Dom Mikel Tarabulluzit” që u mbajtë sot në Stubëll të Vitisë.

“Takimet e Dom Mikel Tarabulluzit” është një aktivitet i përvitshëm kulturor, në të cilin përpos konkursit tradicional të poezisë, flitet edhe për të tashmen dhe të kaluarën e kulturës dhe artit shqiptar.

Poezia e shpërblyer “Njerëzit edhe janë të çmendur” e Dije Demiri-Frangut

Njerëzit lexojnë Spinozën shetisin parqeve me Enkidun

Tallen me vdekjen e Sokratit mureve antike ngulin sytë

Si të dashurave mërzinë amforave të lashta ju fshijnë pluhurin

Dashurohen në kokën e trupin e Afërditës të Herës i bëjnë dashnore

Në muskujt e hedhësve të shtizave dashurohen

E në ëndërr shohin statujen e Zeusit

Të gjithë e mendojnë veten aktorë të Bylisit

Leni krejt më mirë besoni se

Janë të krisur në zemër i duan mëkatet i hymnizojnë

Shumë vdesin të marrë e të evidentuar si të padijshëm

Anipse i dinë gurutë i këndojnë lirikat popullore të dashnisë

Provojnë ta shtrydhin frikën ta ndrydhin ankthin

Tërë jetën me gurin e shpresës nën gjuhë jetojnë

Këndojnë urata udhëtimeve të gjata e vdesin të padijshëm

Të mashtruar si fëmijët e kopshteve të cemtë mbesin

S’ i përcjellin fluturimet e zogjve vdesin pa u bërë valë deti

besoni janë edhe budallenj, vrasin mushkonja minj fëmijë

vrasin gra me gjoksa t ‘bukur si koka e Lybotenit, këmbëdrejta si lisat e Sharrit

Njerëzit janë të çuditshëm askush s’ ju bie n ‘fije janë edhe budallenj

O sa budallenj të dashur janë disa nga ta