Policia e Kosovës ka vazhduar me aksionet e saj në kuadër të luftimit të kontrabandës.

Sot njësia e Drejtorisë Rajonale e Policisë Kufitare, në zbatim të masave ka konfiskuar djathë, ajkë e hudhra.

“Me datën 23 Shkurt 2023, rreth orës 18:15 në fshatin Jarinje e poshtme gjatë realizimit të detyrave të patrullimit Policia ka ndaluar automjetin VW Pasat ngjyr hiri me traga të Serbisë dhe me ngasës të dyshuarin mashkull shtetas serb, i cili në rrugë ilegale kishte tentuar të kontrabandonte mallra nga territori i Serbisë”, thuhet në njoftim.