Dje një grua nga Leposaviqi ka denoncuar në Polici se i është djegur vetura me targa serbe.
Si pasojë dyshohet të jenë dëmtuar edhe dy vetura të tjera që ndodheshin afër.
Njësiti relevant i Policisë së Kosovës ka dalë në vendin e ngjarjes ku ka bërë shuarjen e zjarrit.
“Leposaviq / 29.02.2024 – 04:05. Ankuesja femër kosovare ka informuar se vetura e saj është përfshirë në zjarr. Njësitet relevante policore dhe zjarrfikësit kanë dalë në vendin e ngjarjes dhe kanë shuar zjarrin, ku si pasojë e zjarrit, dyshohet janë dëmtuar edhe dy vetura që ishin afër veturës së ankueses. Rasti është duke u hetuar”, thuhet në raport 24-orësh të Policisë.