Policia e Kosovës ka dhënë detaje të reja lidhur me trupin e 58-vjeçares që u gjet dje pa shenja jete në lumin Ibër në Mitrovicë.
Në raportin 24-orësh të Policisë së Kosovës thuhet se viktima dyshohet të ketë rënë aksidentalisht.
Ekipi i zjarrfikësve viktimën e ka nxjerrë nga lumi pa shenja jete, dhe është konstatuar vdekja e saj nga ekipi mjekësor.
Trupi i pajetë është dërguar në IML për obduksion.
Raporti i plotë:
“Mitrovicë 22.06.2023 – 07:26. Është raportuar se viktima femër kosovare dyshohet se aksidentalisht ka rënë në lumin Ibër. Ekipi i zjarrfikësve viktimën e ka nxjerrë nga lumi pa shenja jete, nga ekipi mjekësor në vendin e ngjarjes është konstatuar vdekja e saj. Me vendim të prokurorit trupi i pajetë është dërguar në IML për Obduksion”.