Policia dje gjatë kontrollit në një shtëpi të pabanuar në veri të Mitrovicës ka gjetur dhe konfiskuar disa uniforma ushtarake.

Përveç uniformave, u gjetën edhe dy qanta të vogla dore, një palë pranga të plastikës dhe një shok bombë.

“Lidhur me rastin nuk raportohet për persona të dyshuar, rasti është duke u hetuar“, thuhet në raportin e policisë.

Ndërsa, në një veturë në Mitrovicën Veriore, policia ka gjetur një Sprey Anti Dog –Pfeffer Sprey.

“Gjatë kontrollit në veturën e të dyshuarit mashkull kosovar është gjetur dhe konfiskuar një Sprey Anti Dog –Pfeffer Sprey. I njëjti pas intervistimit me vendim të prokurorit, është liruar në procedurë të rregullt“, njofton policia.