Pjesëtarët e Policisë së Kosovës kanë filluar të tërhiqen nga Mëhalla e Boshnjakëve, në drejtim të jugut.

Siç raporton REL-i, diçka të tillë ka kërkuar një pjesëtar amerikan i KFOR-it.

Një pjesëtar i Policisë së Kosovës, ka thënë se bëhet fjalë për “riorganizim” të pranisë së tyre.

Gazeta Insajderi ka provuar të kontaktojë me Policinë e Kosovës lidhur me këtë, por deri në momentin e publikimit të artikullit nuk ka marrë ndonjë përgjigje.

Krejt kjo ndodhi pas një aksioni të Policisë së Kosovës në Mitrovicë të Veriut, ku u arrestua Milun Milenkovic- Llune, krimineli serb i dyshuar për sulm ndaj zyrtarëve policorë dhe KFOR-it.

Më pas, në drejtim të veriut u panë duke shkuar trupa të KFOR-it. /Insajderi.org/