×
  • Lajme
  • Insajderi / Ballina 5

    Policia vazhdon ta “godas” kontrabandën nga Serbia, konfiskon 70 metra dru

    Insajderi
    05 June 2023 - 10:50

    Policia e Kosovës luftën kundër mallrave kontrabanduese që po vijnë nga Serbia po e bën duke konfiskuar çokollata e drunj.

    Kësaj radhe, ata kanë konfiskuar 70 metra dru në fshatin Velegllavë të Kamenicës. Një gjë e tillë është bërë e ditur me njoftim zyrtar nga PK-ja, shkruan Gazeta Insajderi.

    “Policia e Kosovës, respektivisht njësitë policore nga Policia Kufitare, gjatë kryerjes së detyrave të rregullta, përgjatë vijës kufitare në zonën e fshatit Velegllavë, kanë hasur në drunj të disa llojeve të ndryshme, si: ahu, plepi dhe qershia, në sasi prej 70 (shtatëdhjetë) metër kub”, thuhet në njoftimin e PK-së.

    “Pas gjetjes së kësaj sasie të drunjve, të cilat dyshohet se në territorin e Republikës së Kosovës janë sjellë nga territori i Serbisë, zyrtarët policorë kanë arritur të zbulojnë se kjo sasi e drunjve i përket të dyshuarit mashkull me iniciale A. L. viti i lindjes 1985”, vijon njoftimi.

    A.L. iu është iniciuar rasti për “kontrabandim me mallra”.

    Përgjatë ditës së djeshme, PK-ja njoftoi se kishte konfiskuar 150 çokollata “Snickers” në veri. /Insajderi.org/

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark