Presidenti i Portugalisë, Marcelo Rebelo de Sousa  ditën e djeshme ka sugjeruar që vendi i tij kërkojë falje dhe të marrë përgjegjësinë për rolin që ka pas në tregtinë transatlantike të skllevërve.

Kjo është hera e parë që një president i Evropës Jugore bënë një akt të tillë.

“Të kërkosh falje është ndonjëherë gjëja më e lehtë për të bërë: të kërkosh falje, të kthesh shpinën dhe puna ka mbaruar”, tha ai, duke shtuar se vendi duhet “të marrë përgjegjësinë” për të kaluarën e tij për të ndërtuar një të ardhme më të mirë.

Nga shekulli i 15-të deri në shekullin e 19-të, gjashtë milionë afrikanë u rrëmbyen dhe u transportuan me forcë përtej Atlantikut nga anijet portugeze dhe u shitën si skllav, kryesisht në Brazil.

Por deri më tani Portugalia ka komentuar rrallë për të kaluarën e saj dhe pak  ligjërohet në shkolla për rolin e saj në skllavëri.

Përkundrazi, epoka koloniale e vendit, ku kishte të përfshirë Angolën, Mozambikun, Brazilin, Kepin e Verdës, Timorin Lindor si dhe pjesë të Indisë, kjo shpesh perceptohet si një burim krenarie nga shumica e portugezëve, shkruan Reuters.