Kryeparlamentari i Kosovës, Kadri Veseli, ka thënë se institucionet e Kosovës kanë ndaluar hyrjen e trenit serb në territorin e shtetit të Kosovës, me urdhrin e dhënë nga presidenti Thaçi.

Veseli ka thënë se me anë të këtij treni, Serbia kishte për qëllim provokimin e situatës, raporton Insajderi.

“Kjo absolutisht nuk nënkupton se ne jemi kundër lëvizjes së lirë. Por, ky tren, i mbuluar me mbishkrime nacionaliste serbe, kishte për qëllim provokimin e radhës nga Beogradi”, ka thënë Veseli.

“Institucionet respektuan përgjegjësitë ligjore dhe kushtetuese”, potencoi ai. /Insajderi.com