Ambasadori i Gjermanisë në Kosovë, Jorn Rohde, ka uruar Kosovën për fitimin e kandidaturës për organizimin e Lojërave Olimpike Mesdhetare në Prishtinë.

Rohde ka thënë se ky vendim shënon fillimin e një rrugëtimi emocionues për organizatorët, i mbushur me punë të palodhur dhe mundësi të bollshme në skenën globale

“Urime Prishtinës për fitimin e ofertës për organizimin e Lojërave Mesdhetare në vitin 2030! 🌟🇽🇰 Ajo shënon fillimin e një udhëtimi emocionues për organizatorët, i mbushur me punë të palodhur dhe mundësi të bollshme në skenën globale. #LojëratMesdhetare2030”, ka shkruar ai.

Ndryshe, Asambleja e Përgjithshme e Komitetit Ndërkombëtar të Lojërave Mesdhetare (ICMG) është mbajtur në Heraklion të Greqisë, dhe Kosova do të organizojë Lojërat Mesdhetare të vitit 2030.

Congratulations to Pristina for winning the bid to host the Mediterranean Games in 2030! 🌟🇽🇰 It marks the start of an exciting journey for the organizers, filled with hard work and abundant opportunities on the global stage.#MediterraneanGames2030

— Ambassador Jörn Rohde (@GermanAmbKOS) September 8, 2023

Kandidatura e Prishtinës për të organizuar Lojërat Mesdhetare të vitit 2030 mori shumicën e votave në Asamblenë e Përgjithshme të Komitetit Ndërkombëtar të Lojërave Mesdhetare.

Pro organizimit të Lojërave Mesdhetare në Kosovë kanë votuar 66 delegatë. 55 votuan pro, tetë kundër, ndërsa tre abstenuan.