FC Prishtina ka shënuar fitore në ndeshjen miqësore ndaj Ramiz Sadikut me rezultat 3:0.

Golat për ekipin e Ismet Munishit u realizuan nga Endrit Kraniqi (9′), Kreshnik Uka (39′) dhe Bujar Pllana (48′).

Kjo ndeshje u zhvillua të mërkurën në stadiumin e Ramiz Sadikut, ekip që garon në Ligën e Parë të Kosovës.

Kjo është miqësorja e tretë e Prishtinës në fazën përgatitore para nisjes së kampionatit.

Më parë Prishtina e ka mundur ekipin nga Maqedonia e Veriut, Struga Trim&Lum (2:1) dhe ka barazuar 1:1 me Trepçën ’89.

𝙉𝘿𝙀𝙎𝙃𝙅𝙀 𝙆𝙊𝙉𝙏𝙍𝙊𝙇𝙇𝙐𝙀𝙎𝙀: 𝙋𝙧𝙞𝙨𝙝𝙩𝙞𝙣𝙖 – 𝙍𝙖𝙢𝙞𝙯 𝙎𝙖𝙙𝙞𝙠𝙪 3:0 (2:0)

𝗙𝗖 𝗣𝗿𝗶𝘀𝗵𝘁𝗶𝗻𝗮 e nisi ndeshjen me këtë formacion: Nika, Bytyqi, Ramadani, Pllana, Mici, Useini, Hamiti, Krasniqi, Pefqeli, Uka, Kryeziu. 𝑻𝒓𝒂𝒋𝒏𝒆𝒓: Ismet Munishi.