×
  • Lajme
  • Insajderi / Insajderi

    Prokurori i rastit: I dyshuari është denoncuar disa herë për dhunë në familje, mbi viktimë u shkrepën tre plumba

    Insajderi
    30 November 2022 - 22:39

    Një grua rreth moshës 35-vjeçare është vrarë nga ish-bashkëshorti i saj sot rreth orë 18:00, para repartit të Gjinekologjisë.

    Gazeta Insajderi mëson nga burimet e sigurta se 35 vjeçarja (Hamide Magashi) që u vra sot nga ish-bashkëshorti i saj (Sokol Halili) kishte qenë në muajin e nëntë të shtatzënisë.

    Prokurori i rastit, Ilaz Beqiri në një prononcim për Gazetën Insajderi ka thënë se ndaj Sokol Halilit ka disa raste të paraqitura në organet e hetuesisë për dhunë në familje.

    “Ka pasur të raportuara disa raste të dhunës në familje, por detajet ende nuk i di”, ka theksuar Beqiri.

    Tutje, prokurori shtoi se në vendin e ngjarjes kanë gjetur tri gëzhoja të plumbave, që supozohet se shtatzëna është qëlluar tre herë.

    Ai ka theksuar se i dyshuari është në kërkim dhe se për të është lëshuar urdhërarrest.

    Shtatzëna 35-vjeçare dyshohet se është vrarë nga bashkëshorti i saj, me të cilin ka qenë në proces të ndarjes.

    Ajo është qëlluar para objektit të Klinikës së Gjinekologjisë, të mërkurën në mbrëmje.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark