Zëvendësministëri në Ministrinë e Infrastrukturës, Hysen Durmishi ka mbajtur sot një konferencë, ku foli për dyshimet për keqpërdorime me patentë-shoferë në Pejë.
Lidhur me këtë çështje, tashmë kanë nisur hetimet.
REL raporton se Prokuroria Themelore e Pejës ka “nisur një hetim në lidhje me dyshimet për keqpërdorime me patentë-shoferë në këtë pjesë të Kosovës”.
Sot, Durmishi tha se Prokurorisë së Pejës i ishte dërguar një dosje voluminoze në lidhje me qindra kandidatë që morën patentë-shoferin në procese të dyshimta.
“Nga ajo që kemi gjetur deri më tani, dyshimet tona kanë të bëjnë për një ndërmarrje të gjerë kriminale e cila mbetet të vërtetohet nga organet e drejtësisë”, tha ai.