×
  • Lajme
  • Insajderi / Insajderi

    Prokuroria konfirmon kërkesën për paraburgim ndaj grupit kriminal që u arrestua dje

    Insajderi
    25 January 2023 - 12:16
    Klikoni Këtu për t'u bërë pjesë e kanalit të Insajderit në Youtube.

    Prokuroria Themelore në Prishtinë, Departamenti i Krimeve të Rënda, ka bërë kërkesë në Gjykatën Themelore në Prishtinë, për caktimin e masës së paraburgimit  kundër katër personave të arrestuar dje gjatë një operacioni në rajonin e Prishtinës, shkruan Gazeta Inasjderi.

    Lajmin e ka konfirmuar për Insajderin Laureta Ulaj nga Prokuroria Themelore në Prishtinë.

    Sipas Policisë, të dyshuarit në mënyrë të organizuar si grup i rrezikshëm kriminal, dyshohet se kanë kryer vepra penale si: “vrasje në tentativë”, “shkaktim i rrezikut të përgjithshëm”, “lëndim i rëndë trupor”, “zjarrvënie”, “detyrim” dhe “armëmbajtje pa leje”, duke u paguar kështu për këto shërbime, me qëllim të frikësimit dhe lëndimit të viktimave, “ku deri më tani janë identifikuar disa viktima të cilat dyshohet se janë përcjellë për një kohë të caktuar nga ky grup kriminal.”.

    Sipas policisë, arrestimi i tyre është bërë në katër lokacione të ndryshme.

    Për shkak të rrezikshmërisë së lartë, arrestimi i i katër të dyshuarve është bërë në mbështetje të Njësisë Speciale dhe Njësisë së Reagimit të Shpejtë.

    Policia e Kosovës apelon tek të gjithë qytetarët e R. Kosovës të cilët kanë qenë apo edhe ende janë viktimë e përfshirjes së veprave penale në fjalë, të lajmërohen në Polici në stacionet më të afërta, apo edhe të kontaktojnë në linjat telefonike të bëra publike.

    “Gjatë realizimit të këtij operacioni policor, i cili ka rrjedhur pas zbatimit të masave të fshehta teknike të hetimit dhe vëzhgimit nga Prokurori i Shtetit, të dyshuarit në mënyrë të organizuar si grup i rrezikshëm kriminal, dyshohet se kanë kryer vepra penale si: “vrasje në tentativë”, “shkaktim i rrezikut të përgjithshëm”, “lëndim i rëndë trupor”, “zjarrvënie”, “detyrim” dhe “armëmbajtje pa leje”, duke u paguar kështu për këto shërbime, me qëllim të frikësimit dhe lëndimit të viktimave, ku deri më tani janë identifikuar disa viktima të cilat dyshohet se janë përcjellë për një kohë të caktuar nga ky grup kriminal. Viktimat janë të profileve të ndryshme, ku disa nga viktimat e identifikuara kanë qenë direkt të sulmuar, të cilët edhe kanë pësuar lëndime trupore”, njofton Policia.

    Të dyshuarit e arrestuar janë:

    1. D. S. viti i lindjes 1980 m/kosovar
    2. Xh. M. viti i lindjes 1979 m/kosovar
    3. H. H. viti i lindjes 1960 m/kosovar
    4. T. Sh. viti i lindjes 1973 m/kosovar

    Gjatë kontrollit dhe bastisjeve të kryera në prona/shtëpi banimi, në cilësi të provave materiale
    janë sekuestruar:
     dy armë të gjata,
     katër armë të shkurtra,
     43 fishekë,
     pesë mijë (5,000,00) euro,
     dy automjete,

     4 telefona,
     mjete të forta.

    Me vendim të prokurorit kompetent nga Prokuroria Themelore në Prishtinë, katër (4) të dyshuarit e arrestuar janë dërguar në mbajtje, për të vazhduar me procedura të mëtejme ligjore. Policia e Kosovës apelon tek të gjithë qytetarët e R. Kosovës të cilët kanë qenë apo edhe ende janë viktimë e përfshirjes së veprave penale në fjalë, të lajmërohen në Polici në stacionet më të afërta, apo edhe të kontaktojnë në linjat telefonike të bëra publike.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark