Në ambientet e Qendrës Kombëtare të Librit dhe Leximit (QKLL) në Tiranë është promovuar romani i ri i romancierit dhe dramaturgut të mirënjohur shqiptar, Bashkim Hoxha.
Romani ka titullin “Dimri i librave” dhe është botuar ditë më parë nga shtëpia botuese tiranase “Onufri”.
Në këtë përurim mori pjesë edhe botuesi Bujar Hudhri, i cili e vlerësoi lart prozën artistike të Hoxhës dhe bashkëpunimin me të si krijues dhe personalitet i njohur i kulturës së sotme shqiptare.
“Dimiri i librave” është një vepër që përshfaq realitete bashkëkohore, nën perceptimin e njerëzve që jetojnë me librin, si një metaforë mbi rëndësinë që ka arti kultura në ridimensionimin shpirtëror e social të kohës që jetojmë.