Këshilli i Prindërve ka paralajmëruar mbledhje të kryesisë të mërkurën, në mënyrë që të dalë me vendim lidhur me çështjen e blerjes së teksteve shkollore.

Kështu konfirmoi për Insajderin Besnik Dragusha nga Këshilli i Prindërve.

“Të mërkurën do të kemi mbledhjen e Këshillit të Prindërve të Kosovës, dhe pastaj do të dalim me një qëndrim! Pra, deri atëherë nuk kemi ndonjë risi për prononcim“, tha shkurt ai për Insajderin.

Të hënën, ministrja e Arsimit, Shkencës, Teknologjisë dhe Inovacionit e Kosovës, Arbërie Nagavci bëri me dije se janë duke e shqyrtuar mundësinë e transferimit të parave tek prindërit në mënyrë që ata t’i blejnë pastaj tekstet shkollore për fëmijët e tyre për vitin e ri shkollor.

Ky opsion është i mundshëm pasi sipas MASHT-it çmimi i ofertuar nga shtëpitë botuese ishte i papërballueshëm për buxhetin e ndarë.

Një propozim i tillë nuk është mirëpritur, ka ngjallur reagime të shumta.