Banorët e Drenicës i kanë bllokuar të gjitha rrguët që çojnë në fshatin Banjë, për të penguar vizitën e Presidentit të Serbisë Aleksandar Vuçiq në atë fshat.

Merret vesh se banorët e kësaj anë janë zgjuar herët, duke vendosur në rrugë makina, dru, e pengesa të ndryshme që e bllokojnë rrugën, shkruan Periskopi.

Aktivisti i shoqërisë civile dhe banor i kësaj ane, Kushtrim Mehmeti ka postuar në Facebook disa fotografi, ku në rrugë shihet një sasi drunjsh, vetura e njerëz, që qëndrojnë aty për ta ndalë Vuçiqin.

Mehmeti, në mënyrë ironike e ka lutur presidentin Hashim Thaçi që t’ia çoj një porosi Vuçiqit.

“Hashim kallxoj qe ksajde nuk kalohet”, ka shkruar ai.