Ndryshimet e motit do të përkeqësojnë jetën e banorëve që janë zhvendosur në Rripin e Gazës, ka thënë agjencia e OKB-së për refugjatët palestinezë, UNRWA.

Zëdhënësja e UNRWA-s, Juliette Touma, i tha BBC-së të mërkurën se 800,000 palestinezë të zhvendosur në territor janë tani në strehimore të mbipopulluara të OKB-së, pa ngrohje apo ujë të pijshëm, përcjell Gazeta Insajderi.

“Shiu do të përkeqësojë situatën për tre të katërtat e popullsisë së Gazës, të cilët janë detyruar të largohen nga shtëpitë e tyre”.

“Ne nuk kemi karburant, kështu që nuk mund të sigurojmë ngrohje apo ujë të pijshëm”, tha Touma.

Asnjë sasi karburanti nuk ka hyrë në Rripin e Gazës që nga fillimi i luftës, sipas agjencisë së OKB-së. /Insajderi.org/