Kryeministri i Kosovës, Albin Kurti ende nuk e ka folur asnjë fjalë për marshin e sotëm ku morën pjesë mijëra qytetarë.

Komenti i fundit i Kurtit për marshin mbetet ai që bëri gjatë intervistës në “Rubikon”.

“Nuk kam dëgjuar për këtë iniciativë”, pati deklaruar Kurti.

Për shkak të heshtjes së tij, numër i madh i komentuesve e kanë kritikuar kryeministrin në Facebook.

Madje, të njëjtit ia kanë përmendur edhe ndjeshmërinë dhe postimet për politikanët e vrarë serbë.

Në marshin e organizuar nga platforma “Liria ka emër”, u kërkua drejtësi për ish-krerët e UÇK-së, Hashim Thaçin, Kadri Veselin, Jakup Krasniqin dhe Rexhep Selimin. /Gazeta Insajderi